我係賢妻

你無睇錯！我的確係一個賢妻！

樣靚又有品味唔在講，居然仲識煮飯！

拍拖半年，羊生第一次有幸食到我煮既野 ~ 肉醬意粉

就係咁，俘虜左佢！(無計！)

拍拖9個月，第一次同羊生過生日，正式煮餐飯仔

撚手薯仔雞亦、火腿炒大豆芽、洋蔥牛扖

仲有靚湯一個

佢決定要娶左我！(你睇佢幾咁開心？)

為左唔使買禮物，我更加第一次整蛋糕

跟足同事教既方法，右下角係第一個製成品

厚度係5mm，搣開會粘著，似香蕉糕

點解個蛋糕會彈唔高？係一個謎

再整多次，加入沖朱古力奶既朱古力粉

結果，厚度依然係5mm，搣開依然會粘著

似有朱古力味既香蕉糕

晌用剩3隻雞蛋既情況之下，不容有失

好小心咁做好每個步驟

好彩，最後蛋糕有2cm高，味道仲相當好

第二年生日，因為仲未解開蛋糕彈唔高之謎

我去學整蛋糕

結果，蛋糕好靚，但我依然唔識整

因為個蛋糕師父搶住黎做，而且佢D工具屋企唔會有

仲比佢鬧用晒佢D生果，2舊水一個蛋糕

用多幾粒生果都鬧 -_-"

ANYWAY，連我都差D愛上我自己

可惜婚後，有一日羊生偷偷帶左風水師父返屋企

仲話廚房係病位，叫我唔好煮咁多飯

作為一個賢妻，雖然我好感激呢位風水師父

(我澄清，個風水佬唔係我請架！)

但我依然盡力煮幾味，力求提供最好營養比羊生

節瓜蝦米煮粉絲、梅子蒸排骨 (好多水！)、惠康湯包

椒鹽核爆雞亦(羊生教架！)、腸仔洋蔥炒蛋

蕃茄薯仔煲豬骨 (超正！）

可樂雞亦(用左成罐可樂)、秀珍姑與脆肉瓜

芫茜皮蛋滾鯇魚片(超正！)　

冬菜蒸牛肉、茄汁蝦 (超正！)、冇薑汁味既薑汁芥蘭

仲有倒左既九己湯 (詳情請參閱「苟己」一誌)

http://fuwingie.blogspot.com/2007/10/blog-post_30.html

滷水雞鎚、什菌炒椰菜 、淮山時實煲生魚湯

(比羊生發現我煎魚煲湯冇洗鑊炒菜，D菜好腥)

有時2小口子會打下邊爐

有時會簡簡單單煮個麵

有時媽咪或者奶奶會速遞靚湯

有時羊生會整野食 (煎腸仔，唔該晒！)

有時會煮麵比我食

簡單生活，甜到入心

我煮飯，佢洗碗

其實羊生真係好比面，我煮幾多，佢食幾多

縱使D米唔熟，D菜好腥，呢樣太咸，果樣太淡

佢都微笑住話好味

不過羊生最憎既都係洗碗，因為……

我煮飯，其實似打仗

.