苟己

一天放工，與一位相熟同事把臂遊街市，為晚餐的茄汁蝦碌、冬菜牛肉及薑汁芥蘭張羅張羅，同事突然說：「今晚煲苟己豬潤都好喎！」
‧
這句說話，衝擊了心中已盤算好的菜譜，並帶來了一連串衝突與矛盾。
‧
買菜時

「嘩！咁大棵既！咩黎架？」
「苟己？從來未見過唔係湯渣既苟己囖！」

「２個人飲買幾多架？」

「煲咩架？」

「係咪下火架？」

「俾一舊仔薑我丫唔該！」

「豬潤有冇得５蚊架？２個人飲之喎！」

「又好似少得濟喎，俾夠１０蚊啦唔該！」
‧
洗菜時

「嘩！咁多刺既？」

「嘩！點洗呀！唔係要逐塊葉捽呀嘛？」

「嘩！哎呀！」

「點解隻腳又痕又痛既？」

「丫！行返黎果陣俾Ｄ刺刮花晒隻腳添！」

「哎呀！」
‧
煲湯時

「落豬潤先！」

「跟住落薑片。」

「哎呀！唔記得留返Ｄ薑片炒芥蘭呀！」

「撈返Ｄ薑先！」

「Ｄ苟己好大棵喎，剪開幾碌先放落去啦！」

「冇味既？唔通太多水？筆減Ｄ水先！」

「又話好快得既，點解Ｄ苟己仲咁硬淨既？」

「大火Ｄ滾下佢先！」

「嘩！Ｄ葉爛晒Ｄ框仲咁硬既？」

「咦？咪先！媽咪煲果Ｄ苟己湯好似唔多覺有框咕喎！唔通唔使落菜框？」

「點解Ｄ湯黑色既呢？」

「成粒鐘啦喎！仲係冇咩味喎！加Ｄ鹽會唔會好Ｄ呢？」

「嘩！好咸呀！」

‧
如是者，煲湯倒了！

貌似西洋菜湯的茍己渣

幸好無損晚餐的可觀性

‧

‧

‧