蚧后

十年前的夏天，我為了半個月的東京之旅，首次做暑期工，在友善電視做個小文員，返兩點放十一點，除了每天的文書工作，還需管理一班下午上班的PART-TIME OPERATORS。

當中有個男孩，總是笑咪咪的，散發著陽光般的健康氣息，每次出場，身邊都有花在開……

當然，身邊從不乏狂蜂浪蝶的我，除了享受著「睇靚仔」的樂趣，對他，並沒有太大感覺。

(編按︰假的！是有一點點感覺啊！但只有一點點罷了！)

「HI！我叫齋鹵味！」

「我係永記！」

就這樣，永記齋鹵味遇上了。

‧

* * * * * * * * * * * * * * * * * * * * * * * * * * * * * * *

‧

‧

三個月轉眼飛逝， 我繼續我多姿多采的生活，直至三年前的冬天，我在熟悉的地方碰上了熟悉的臉孔。

‧

「齋鹵味？」
‧

「永記！」

「做咩你肥左咁多既？」

多麼令人沮喪的開場白，不過直性子正是我可愛之處啊！

就這樣，永記齋鹵味再次遇上了。

‧

* * * * * * * * * * * * * * * * * * * * * * * * * * * * * * *

‧

‧
「妳記唔記得我地黎過呢度食米線？」

‧

「……」
‧

「妳記唔記得我地去過WENDY'S食漢堡包？妳仲全程講電話！」

「……」

「妳記唔記得妳請過我食糖？」

「……」

(編按︰其實我的記性真的好差，印象中只記得當年有個靚仔PART-TIME叫「齋鹵味」。)

「其實妳知唔知果時我想追妳？」

‧

「唔知喎……」

‧

「妳好似好多人追咁，我唔敢！」

(編按︰傻豬黎既，我都知我的美貌令好多人卻步，不過這我也是沒有辦法的！)

‧
* * * * * * * * * * * * * * * * * * * * * * * * * * * * * * *

‧

‧

之所以我嫁了！

在他家，我發現了一個驚世的秘密︰原來我當年有留下伏線啊！

KEEP IN TOUCH!!!